Forbs jýrnaly Reseıdiń eń baı azamattarynyń tizimin jarııalady. Sol olıgarhtardyń túgelge jýyǵy sport salasyna barynsha qamqorlyq kórsetýde.
Alysqa barmaı-aq, «TOP-10» baı-qýattylarǵa toqtalsaq ta jetkilikti. Máselen, Reseı olıgarhtarynyń kóshin bastap turǵan Vladımır Potanın «Túńgi hokkeı lıgasy» dep atalatyn áýesqoı hokkeıdi damytý qorynyń qamqorshylar keńesiniń tóraǵasy. Onyń esep shotynda 19,7 mıllıard dollar bar.
Ekinshi orynda turǵan Vladımır Lısın (18,1 mlrd) álemdik jáne qurlyqtyq nysana kózdeý federasııasyn basqarady. Sondaı-aq, ol reseılik uıymǵa da jetekshilik etedi.
Úshinshi orynda – Leonıd Mıhelson (17,1 mlrd). Ol Reseı fýtbol odaǵynyń qamqorshylar keńesiniń tóraǵasy.
Tórtinshi satyǵa jaıǵasqan Alekseı Mordashov (16,8 mlrd). «Severstal» hokkeı klýbynyń qojaıyny.
Besinshi oryndaǵy Vagıt Alekperov (15,2 mlrd) Máskeýdiń «Spartak» fýtbol klýby aksııasynyń 36,8 paıyzyn ıelenýde.
Altynshy oryndy enshilegen Gennadıı Tımchenko (14,4 mlrd) Reseı Olımpıada komıtetiniń vıse-prezıdenti, Qurlyqtyq hokkeı lıgasynyń dırektorlar keńesiniń tóraǵasy, SKA klýbynyń qojaıyny.
Jetinshi satyǵa taban tiregen Alısher Ýsmanov (13,7 mlrd) Halyqaralyq semserlesý federasııasyn basqarady.
Úzdik ondyqty qorytyndylaǵan Roman Abramovıch (11,3 mlrd) Anglııa Premer-lıgasynda óner kórsetip júrgen «Chelsı» klýbynyń ıesi.