Bul kúnderi Germanııanyń fýtbol lıgasy (DFL) koronavırýsqa baılanysty toqtatylǵan fýtboldan Býndeslıga oıyndaryn jalǵastyrý jaǵyn oılastyrýda.
Nemis fýtboly basshylarynyń aıtýynsha, el chempıonaty qandaı jaǵdaıda da óz máresine jetedi. Qazirgi kezde olar stadıondarǵa keletin adamdar sanyn shekteý jaǵyn qarastyrýda. Naqtylap aıtsaq, koronavırýs qaýpi tolyqtaı seıilgenshe, stadıonǵa 239 adam ǵana kire alady. Olardyń arasynda oıynshylar, bapkerler jáne dárigerler bar. Sondaı-aq, 30 jýrnalıst jáne 36 telearna ókilderi sporttyq arenaǵa kire alady. Ár komandanyń delegasııa músheleriniń sany segizden aspaýy kerek. Al kórermender men vıp-qonaqtarǵa esik jabyq.
Esterińizge sala keteıik, ázirge Býndeslıga oıyndarynyń 25 týry artta qaldy. Kósh basynda – «Bavarııa». Mıýnhendik klýbtyń enshisinde 55 upaı bar. «Bavarııany» Dortmýndtyń «Borýssııasy» (51 upaı) men Leıpsıg» (50 upaı) ókshelep keledi.