Senattyń Qarjy jáne bıýdjet komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy qaraldy.
Zań jobasy Qazaqstan Respýblıkasynda qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl jónindegi Eýrazııalyq toptyń (EAT) ózara baǵalaýynyń 2021-2022 jyldary bizdiń elimizde ótýi tıis ekinshi raýndyna daıyndalý maqsatyn kózdeıdi.
Qujattyń taǵy bir maqsaty - qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl salasyndaǵy zańnamany Aqshany jylystatýǵa qarsy kúrestiń qarjylyq sharalaryn ázirleıtin toptyń (FATF) halyqaralyq standarttaryna sáıkes keltirý bolyp tabylady.
Zań jobasyn ázirleýshilerdiń aıtýynsha, zań qabyldanǵan jaǵdaıda ulttyq qarjy júıesiniń qaýipsizdigi men ashyqtyǵy arta túsedi, aqshany jylystatý jáne terrorızmdi qarjylandyrý úshin paıdalanýdan qorǵaý, terrorızmdi qarjylandyrý men jappaı qyryp-joıý qarýlaryn taratýdy qarjylandyrýǵa qarsy kúres salasyndaǵy halyqaralyq mindettemelerdi oryndaý jáne terrorıstik shabýyldar jasaýǵa baılanysty jaǵdaılarda barynsha jedel áreket jasalatyn bolady.
Depýtattar keńeıtilgen otyrysty qorytyndylaı kelip, atalǵan zań jobasyn Senattyń jalpy otyrysynda qaraý týraly sheshim qabyldady.