Batys Qazaqstan oblysynda koronavırýs dertine shaldyqqan taǵy eki adam anyqtalyp, syrqattyń sany 4-ke jetti.
О́ńirdegi epıdemıologııalyq ahýal týraly jedel brıfıng ótkizgen Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaev 9 sáýir kúni koronavırýspen aýyrǵan taǵy 2 adam tirkelgenin habarlady.
- Ol eki adam – О́zbekstan azamattary, bireýi – 34, bireýi – 37 jasta, halyqaralyq júk tasymalymen aınalysatyn júk kóliginiń júrgizýshileri. Máskeý qalasynan shyǵyp, 8 sáýir kúni Samara oblysy arqyly Qazaqstannyń Syrym shekara beketine kelgen. Sol jerde saýalnama toltyrý kezinde júrgizýshiniń bireýinen aýrý belgisi baıqalǵan. Iаǵnı dene qyzýy 38 gradýsqa kóterilgen. Sol jerde «Jedel járdem» shaqyrylyp, eki adam Kýmyska eldimekenindegi provızorlyq aýrýhanaǵa jetkizildi. Sol jerde olardyń muryny men jutqynshaǵynan synama alynyp, laborotorııalyq tekseristen keıin ekeýinen de koronavırýs anyqtaldy, - dedi Muhamǵalı Aryspaev.
Muhamǵalı Qaıyrjanulynyń aıtýynsha, Qazaqstannyń Reseı Federasııasymen aradaǵy ótkizý beketterinde sanıtarlyq-karantındik pýnktter, ondaǵy epıdemıolog dárigerler kúsheıtilgen saqtyq rejimimen qyzmet etýde. «Syrqat jandardyń shekarada anyqtalyp, el ishine kirmeýi, birden oqshaýlanýy mamandardyń qyraǵylyǵynyń arqasy» dedi oblystyń bas sanıtar dárigeri.
Batys Qazaqstan oblystyq densaýlyq saqtaý basqarmasynyń basshysy Bolatbek Qaıýpovtyń aıtýynsha, naýryzdyń 29-y kúni syrqaty anyqtalǵan naýqastyń biriniń jaǵdaıy táýir, jaqyn arada úıine shyǵarylmaq. «Biz eki márte tekserý analızin ótkizdik, ekeýinde de jaqsy nátıje kórsetti. Biz ol naýqasty úıine shyǵaramyz, ázirge úıinen emdelip, oqshaýlanýyn jalǵastyrady» dedi Bolatbek Amangeldiuly.
Dál búgin Batys Qazaqstan oblysynyń provızorlyq stasıonarlarynda 97 adam jatyr, al 3608 adam óz úıinde oqshaýlaný jaǵdaıynda otyr. Olardyń bárine bizdiń dárigerler kún saıyn habarlasyp, jaǵdaıyn bilip otyr.
Batys Qazaqstan