Bul toptamada álemniń 185 elinde taraǵan Covid-19 vırýsyna qatysty sońǵy jańalyqtardy jarııalap otyramyz.
9 sáýirde Johns Hopkins University (JHU) usynǵan málimet boıynsha vırýs juqtyrǵandar sany - 1 601 018, ólim sany - 95 718, aıyqqandar sany - 354 972 adam boldy (jańartylǵan ýaqyty 10:17).
15:46
Reseıde bir kúnde taǵy 1 786 adam vırýs juqtyrdy
Bul - osyǵan deıin tirkelgen eń kóp bir kúndik kórsetkish. Reseıde barlyǵy 11 917 adam koronavırýs juqtyrǵan.
Qaıtys bolǵandar sany 94 adamǵa jetti.
795 adam saýyǵyp, aýrýhanadan emdelip shyqty.
12:21
Iemende alǵashqy jaǵdaı tirkeldi
Iemenniń Hadramaýt provınsııasynda koronavırýs juqtyrǵan alǵashqy adam tirkeldi.
Eldiń Densaýlyq saqtaý ókilderiniń sózine sensek, naýqastyń jaǵdaıy qalypty.
Eldegi nashar gýmanıtarlyq jaǵdaıdy eskergen Birikken ulttar uıymy pandemııa saldary aýyr bolatynyn eskertken edi.
Janjal aýmaǵynda turyp jatqan halyqtyń densaýlyǵy onsyz da nashar, medısına salasynyń deńgeıi tómen, elde ashtyq ta beleń alǵan.
Sýret: Reuters
10:30
101 jastaǵy aǵylshyn azamaty vırýstan aıyqty
101 jastaǵy aǵylshyn azamatynyń vırýsty jeńip, úıine qaıtqany týraly súıinshi jańalyqty emhana Facebook praqshasynda jarııalaǵan.
Anglııanyń Reddıtch qalasyndaǵy Aleksandra emhanasynda ol eki apta boıy emdelgen.
Emhana qarttyń sýretin jarııalap, onyń saýyǵyp ketýine septigi tıgen barlyq qyzmetkerlerge alǵys bildirdi.
09:48
Dúnıejúzi boıynsha koronavırýs juqtyrǵandar sany 1 601 018 adamǵa jetti.
Al qaıtys bolǵandar sany 95 myńnan asty.