Orta salmaqta kúsh synasyp júrgen Ýkraınanyń tanymal boksshysy Maksım Býrsak Qazaqstannyń maqtanyshy Gennadıı Golovkınmen judyryqtasqysy keletinin málimededi.
-Orta salmaqta myqtylar kóp. Solardyń arasynan Hasan N'Jıkam, Krıs Iýbenk, Martın Marreı jáne Gennadıı Golovkınmen kúsh synasqym keledi. Árıne, GGG-men sharshy alańda kezdesýge múmkindik berilse, tamasha bolar edi. Qazirgi kezde ol DAZN-men kelsimshartta. Al bul degenińiz óte kóp aqsha. Sáti kelip jatsa, Qazaqstannyń ókilimen kezdeser edim. Bul keremet bir jekpe-jek bolar edi, - deıdi ol.
Maksım Býrsak 1984 jyly Kıevte dúnıege keldi. 2004 jyldan beri kásipqoı rıngte óner kórsetýde. Sol aralyqta 41 kezdesý ótkizip, 36 ret jeńiske jetti. 16 qarsylasyn nokaýtqa jiberdi. Alty ret utylyp, taǵy eki básekede teń esep tirkeldi.