Taıaýda «Ádiletti Reseı» partııasynyń jetekshisi Sergeı Mıronov depýttarǵa sáýir aıynyń eńbeqaqylaryn tolyqtaı dárigerlerdiń esepshotyna aýdaraıyq degen usynys bildirgen bolatyn.
Joǵarydaǵy usynysty Reseı Memlekettiń Dýmasynyń depýtaty Valerıı Gazzaev alǵashqylardyń biri bolyp qoldady. «Qazirgi kezde kásipqoı sporttyń barlyq túrinde eńbekaqyny qysqartý prosessi júrip jatyr. Biz de qarap qalmaýymyz kerek. Koronavırýske qarsy birigip kúresýimiz qajet. Bul - bizdiń azamattyq paryzymyz. Qandaı fraksııanyń múshesi bolǵanyna qaramastan depýtattardyń eshqaısy osyndaı ıgi isten qalys qalmaıdy dep oılaımyn», - deıdi Valerıı Georgıevıch.
65 jastaǵy Vladıkavkaz qalasynyń týmasy kezinde KSRO-nyń birqatar klýbtarynda oınady. 1980 jyly KSRO-nyń olımpıadalyq quramasy sapynda Máskeý Olımpıadasynyń qola júldegeri atandy. Jastar quramasymen birge eki ret Eýropa birinshiliginde bas júldeni oljalady. Bapkerlik kásipte de Valerıı Gazzaevtyń baǵy jandy. Ásirese, ol Máskeýdiń SSKA klýbymen birge kóptegen belesterdi baǵyndyrdy.