Búgin, 15 sáýirdegi túske deıingi málimetterge sáıkes, Almatyda koronavırýstyq ınfeksııany juqtyrǵan 370 naýqas bar. Onyń ishinde 6-y bala jáne úsh júkti áıel bar. Bul týraly Almaty qalasy Densaýlyq saqatý basqarmasynyń basshysy Tileýhan Ábildaev habarlady.
Sondaı-aq Almatydaǵy Ortalyq qalalyq klınıkalyq aýrýhanasynda indet juqtyrǵan medısına qyzmetkerleriniń sany 182 adamdy quraıdy.
Ortalyq qalalyq klınıkalyq aýrýhanada emdeýge jatqyzylǵan jáne emdelip jatqan barlyq pasıentterden, ıaǵnı 215 adamnan koronavırýstyq ınfeksııaǵa taldaý alyndy. О́kinishke oraı, 18 pasıenttiń taldaýlary oń nátıje berdi.
Sovid-19-y bar medısına qyzmetkerleriniń jalpy sany 218 adamdy quraıdy, onyń ishinde Ortalyq qalalyq klınıkalyq aýrýhananyń 182 qyzmetkeri, Balalar qalalyq klınıkalyq juqpaly aýrýlar aýrýhanasynyń 30 qyzmetkeri, Jedel shuǵyl medısınalyq járdem stansııasynyń 2 qyzmetkeri, №1 Qalalyq klınıkalyq aýrýhananyń 1 qyzmetkeri jáne №11, 32, 12 qalalyq emhanalardyń bir-bir qyzmetkeri bar.