Biraz ýaqyt aýrýhanada em-dom alǵan Italııanyń A serııasynda óner kórsetip júrgen «Iýventýs» klýbynyń qos oıynshysy Blez Matıýıdı men Danıele Rýganı koronavırýstan tolyqtaı aıyqty.
Apennın túbeginde osy indettiń órship turǵany málim. Koronavırýsqa shalyqqandar qatarynda fýtbolshylar da az emes. Osydan biraz ýaqyt buryn esimderi joǵaryda atalǵan oıynshylardyń osy dertti juqtyrǵany anyqtalǵan edi. Sodan olar aýrýhanaǵa jatqyzyldy. Al keshe sol azamattardyń qaterli aýrýdan emdelip shyqqany belgili boldy.
33 jastaǵy Fransııanyń azamaty Blez Matıýıdı 2017 jyldan beri «Iýventýste» oınap júr. Sol aralyqta 86 ret jasyl alańǵa shyqqan jartylaı qorǵaýshy alty goldy qaqpaǵa toǵytty. Sondaı-aq, ol óz eliniń ulttyq quramasy sapynda óner kórsetýde.
25 jastaǵy Danıele Rýganı 2015 jyly týrnırdik klýbtyń jeıdesin kıdi. Italııalyq qorǵaýshy qorǵanys shebinde oınaıdy. 2016-2018 jyldary ol ulttyq komandanyń múshesi boldy.