Túrkistan oblysy Otyrar aýdanynyń turǵyny jergilikti polısııa bólimshesine uıaly telefonyn tappaı qalǵanyn aıtyp aryzdanady. Shaǵymdanýǵa arlanatyn nemese qazaqylyqqa sala «sadaqa» dep qoıa salatyndaı arzan emes, 100 000 teńgelik baılanys quralyn joǵaltqan.
Polısııa qyzmetkerlerine úıdegi tońazytqyshtyń ústine qoıǵan jerinen tappaı qalǵanyn da habarlaǵan. Telefonsyz «tirligi ónbeıtin» búginginiń adamy baılanys quralyn sońǵy ret qaı kezde paıdalanǵanyn umytpaıtyny anyq. Oryn alǵan oqıǵa sotqa deıingi tergep-tekserýdiń biryńǵaı tizilimine engizilip, QR Qylmystyq kodeksiniń 188-baby boıynsha tirkelgen. Tájirıbeli polıseılerden jedel tergeý toby qurylyp, izdeý jumystaryn bastaıdy. Sóıtip urlanǵan uıaly telefondy qupııa sandary arqyly tabady. Ury alystan kelmepti. Aýdandyq polısııa bóliminiń habarlaýynsha, telefondy urlaǵan jábirlenýshi áıeldiń abysyny bolyp shyqqan. Urlanǵan telefondy ózi qoldanyp ta júrgen. Aıǵaqty zat retinde alynǵan uıaly telefon ıesine qaıtaryldy.
«Aǵaıyn tatý bolsa – at kóp, abysyn tatý bolsa – as kóp» degen maqaldy jaqsy biletin jábirlenýshi áıel abysynyn keshirgen. Polısııa qyzmetkerleriniń sózimen aıtsaq, sol sebepti atalǵan derek qysqartylypty.