Túrkistan oblysy Isker áıelder qaýymdastyǵynda 40 áıel tirkelgen. Isker hanymdar #BizBirgemiz aksııasy aıasynda 25 az qamtylǵan, kópbalaly, múkindigi shekteýli otbasylar men jalǵyzbasty analarǵa medısınalyq maskalar men azyq-túlik sebetin daıyndap, taratty.
Isker áıelder Túrkistan qalasymen qatar Otyrar aýdany men Qumtúıin eldi mekeni turǵyndaryna da qoldaý kórsetip, alǵysyna bólendi. Qaýymdastyq múshelerimen qolǵa alynǵan ıgilikti iske erikti jastar qolǵabys jasady. Eldi úreılendirip, erkindigin shektegen dertten arylýǵa dem bolatyn saýapty iske atsalysý árbir azamattyń paryzy, dep sanaıdy túrkistandyq isker hanymdar. Sondaı-aq olar basqa da kásipkerlerdi qaıyrymdylyqqa atsalysyp, qıyn-qystaý sátte qınalǵan jandarǵa qol ushyn berýge shaqyrdy.