Túrkistan oblysynda sońǵy málimetke sáıkes koronavırýs dertin juqtyrǵandar sany – 49. О́ńirde eń alǵashqy koronavırýs deregi 31 naýryzda tirkelgen.
Jetisaı aýdanynyń 1971 jyly týǵan turǵyny 21 naýryz kúni Nur-Sultan qalasynan Pavlodar-Qyzylorda baǵytyndaǵy poezben kelgen. Ary qaraı jeke kólikpen Jetisaı qalasyna jolǵa shyqqan. Ol 28 adammen jaqyn baılanysta bolyp, vırýs taratqan.
О́ńirdegi jedel shtab baspasóz qyzmeti anyqtalǵan ekinshi oshaqty 4 sáýirde qaıtys bolǵan 64 jastaǵy Jetisaı aýdanynyń turǵynymen baılanystyryp otyr. Ol 14 naýryz kúni Almaty qalasynan kelgenin jasyrǵan. 7 adammen jaqyn baılanysta bolǵan. Onyń ishinde 15 sáýir kúni Shymkent qalasynda qaıtys bolǵan 1954 jylǵy azamat ta bar.
Indettiń úshinshi jáne tórtinshi oshaǵy Shymkent qalasynyń turǵynymen jaqyn baılanysta bolǵan Saıram men Ordabasy aýdandarynan anyqtaldy. Bul aýdandardan shyqqan tórt naýqas Shymkent qalasynyń azamatymen jaqyn baılanysta bolyp, vırýs juqtyrǵan.
Besinshi oshaq retinde 31 naýryz kúni Aqtaý qalasynan Arysqa kelgen 1995 jyly týǵan azamat esepteledi. Ol óz otbasynyń 6 adamy jáne Báıdibek aýdanynyń turǵynymen jaqyn baılanysta bolǵan.
Indet oshaqtarynda tıisti jumystar atqarylyp, baqylaýǵa alynǵan.