Batys Qazaqstan oblysynda kásiporyn basshysy sapasyz munaı ónimderin zańsyz tasymaldaǵany úshin sottaldy.
Qazaqstan Respýblıkasy Qarjy mınıstrligi Qarjy monıtorıngi komıtetiniń Batys Qazaqstan oblystyq ekonomıkalyq tergeý departamenti qyzmetkerleri jedel-izdestirý sharalary barysynda munaı ónimin tıisti qujatsyz tasymaldaǵan kólikti ustap aldy. Janarmaı «NaftýnOıl» JShS-nen Qaztalov aýdanynyń birneshe balabaqshasy men mektebine jylytý maýsymyna paıdalanylatyn DT-3-K4 markaly Eýro standartyna sáıkes dızel otyny retinde joldanǵan eken.
Oqıǵa bylaı bolǵan: «NaftýnOıl» kásipornynyń dırektory 2019 jyly tamyz aıynda Qaztalov aýdanyndaǵy oqytý mekemelerimen 59 mln teńge somasyna jalpy kólemi 247 tonna dızel otynyn jetkizý úshin birneshe kelisim-shart jasaǵan. Alaıda, dızel otynynyń ornyna munaıdy ekinshi ret bólip alý prosesinde alynatyn fraksııalar (benzın, kerosın) qospasy jalǵan qujatpen jetkizilip otyrǵan.
Qazirgi tańda Qaztalov aýdanynyń №2 soty zııankes kásipkerdi Qazaqstan Respýblıkasy Qylmystyq kodeksiniń 197-babynyń 2-bólimi boıynsha sottady.
Sot JShS dırektory E.Serikbaevty 20 aılyq eseptik kórsetkish kóleminde 50500 teńge aıyppul tóleýge, odan memleket paıdasyna 1097872 teńge prosessýaldyq shyǵyndardy óndirip alýǵa jáne Jábirlenýshilerdiń járdemaqy qoryna 5 aılyq eseptik kórsetkish – 12625 teńgeni májbúrlep aýdartýǵa úkim etti.
«2020 jylǵy 10 sáýirde Tótenshe jaǵdaı jónindegi Memlekettik komıssııanyń kezekti otyrysynda Qazaqstan Respýblıkasy Qasym-Jomart Toqaev atap ótken tapsyrmalardy oryndaý maqsatynda mınıstrliktiń Qarjy monıtorıngi komıteti sapasyz janar-jaǵarmaıdy zańsyz jetkizetin kompanııalar men jeke tulǵalardy anyqtaý boıynsha júıeli jumys júrgizýde» delingen Qarjy monıtorıngi komıtetiniń Baspasóz qyzmeti.
Batys Qazaqstan