Energetıka salasynda paıdalanýǵa baǵyttalǵan ónim shyǵarýshy qazaqstandyq kásiporyndar kúrdeli óndiristik jobalardy barǵan saıyn batyl ıgerip keledi. Otandyq kompanııalardyń tehnologııalyq damýy men qosylǵan quny joǵaryraq ónim shyǵarýyna bylaısha aıtqanda off-take (offteık) sharttar mehanızmi oń yqpal etýde. 2019-2020 jyldar aralyǵyndaǵy kezeńde «Samuryq-Energo» AQ kompanııalarynyń toby boıynsha jalpy somasy 536 mln teńgeden asatyn 8 offteık-shart jasaldy.
О́ziniń elektr stansalaryn, kómir kenishterin jáne energııa beretin kompanııalaryn jabdyqtaý úshin asa iri elektr energetıkalyq holdıng taýarlardyń keń spektrin – radıostansııalar men ızolıatorlardan bastap elektrodtar men transformatorlarǵa deıin satyp alý týraly seriktestik qatynastaryn resimdedi.
«Offteık-shart» – ımport almastyrý jobalaryna qatysýshy kásipkerlerdi tapsyrys berý arqyly qoldaýdyń jaqsy quraly. Iаǵnı, joba iske asyrylǵannan keıin ónim jetkiziletin jáne onyń quny tólenetin uzaq merzimdi shartty bildiredi.
Import almastyrýdy damytý otandyq óndiristi qoldaýdyń ótý mańyzdy aspektisi bolyp tabylady. «Samuryq-Energo» AQ-da ımport almastyrý jáne jergilikti mazmundy damytý máseleleri boıynsha Jergilikti jobalaý ofısi qurylǵan, Qazaqstandyq óndirýshilermen jasalǵan álgi 8 offteık shart sonyń jumysynyń nátıjesi. Bul oraıda, ımport almastyrýǵa jatatyn taýarlardy satyp alynatyn jumystar men qyzmetter qatarynan shyǵarýǵa erekshe kóńil bólinedi. Máselen, «Samuryq-Energo» AQ-nyń quramyndaǵy energııa berýshi kompanııa – «Alataý Jaryq Kompanııasy» AQ satyp alynatyn jumystardan Qazaqstanda jasalmaıtyn «Transformator» pozısııasyn shyǵaryp tastady jáne osyndaı pozısııa boıynsha óndiris ornyn qurǵan otandyq jetkizip berýshini somasy 485 mln teńge bolatyn tapsyryspen qamtamasyz etti.
«Samuryq-Energo» AQ-nyń Qamtamasyz etý jónindegi basqarýshy dırektory Darhan Saǵyndyqovtyń aıtýynsha, offteık sharttar mehanızmi búginde «Samuryq-Qazyna» UÁQ» AQ-nyń satyp alý júıesine belsendi túrde engizilýde, bul otandyq bıznespen yntymaqtastyqty múlde jańa deńgeıge kóterýge, qosymsha jumys oryndaryn ashýǵa, sondaı-aq Qazaqstanda buryn-sońdy bolmaǵan óndiris túrlerin ıgerýge múmkindik beredi.
Qor 2020 jyldy Otandyq óndirýshilerdi qoldaý jyly dep jarııalaǵany málim. Qordyń kompanııalary negizgi tapsyrys berýshi retinde ekonomıkanyń saýda, qyzmet kórsetý jáne ónerkásip sektorlarynyń edáýir bóligin jumyspen qamtamasyz etip otyr. 2020 jyldyń basynan bergi ýaqyttyń ózinde-aq «Samuryq-Energo» AQ tobynyń elektr energetıkalyq kásiporyndary holdıngtiń taýar óndirýshilerin somasy 2,5 mlrd teńgeden astam tapsyryspen qamtamasyz etti.