Kúrshim aýdanynan 6 jastaǵy bala sanıtarııalyq avıasııamen oblys ortalyǵyna jetkizildi. «Eki jaqty pnevmonııa», – deıdi mamandar.
– Bala Marqakólde turady. Ol jaqta qajetti qural-jabdyq joq. Balany aýdan ortalyǵyna jetkizipti. Alaıda arnaıy apparat bolmasa, baladan aıyrylyp qalýymyz múmkin edi. Sol sebepti avıasııaǵa júginýge týra keldi, – dedi oblystyq qoǵamdyq keńes janyndaǵy densaýlyq saqtaý máseleleri boıynsha jaýapty jumys tobynyń jetekshisi Tatıana Chernyshova.
Onyń aıtýynsha, bala О́skemendegi Ana men bala ortalyǵyna jatqyzyldy.
– Bala О́skemenge tolyq jabdyqtalǵan «QazAvıaQutqarý» mekemesiniń ES-145 Eýrokopterimen jetkizildi. Dıstansııadan keńes bergen Ana men bala ortalyǵy men sanavıasııa mamandaryna zor alǵys! Qazir balanyń jaǵdaıy qalypty, – dedi ol.