Jandy jadyratar jańalyqtyń kóp bolǵanyn qalaıtyndardyń birimin. Sabyr saqtap, erteńgi kúnge senimmen qaraý, jaqsylyqtan úmit úzbeý de bizge jiger beredi. Balalarymyzdyń rııasyz kúlkisi, alańsyz oıyny da qýat beredi. Oǵan qosa memleket tarapynan tıisti kómekterdi alyp jatyrmyz. Otaǵasy da tabylǵan jumystan bas tartpaı, otbasyn taryqtyrmaýdyń qamymen júr.
Mysaly, 42 500 teńgeni ótinim bergen soń esh qıyndyqsyz kóp keshiktirmeı aldyq. Odan buryn Túrkistan qalasy ákimdiginen azamattar balalarǵa tıesili kepildendirilgen áleýmettik kómekti ákelip berdi. Ol azamattarǵa da alǵysymyzdy aıttyq, balalar da qýanyp qaldy. Mundaı kómekterdiń qıyn kezde beriletin qoldaý ekenin jaqsy túsinemiz, árıne. «Ashtyqta jegen quıqanyń, dámi aýyzdan ketpes» degen bar emes pe. Sondyqtan da Úkimetke, ákimdikke aıtar alǵysymyz sheksiz.
Móldir О́TEGENOVA,
Túrkistan qalasynyń turǵyny