Almaty oblysy Panfılov aýdanynyń aýmaǵyndaǵy «Nur joly» ótkizý beketi arqyly Qytaı eline júk kólikteri ótip jatyr.
Buǵan deıin de qatań sanıtarlyq qadaǵalaý arqyly shekara asatyn júk elimizde indet taralý qaýpiniń artýyna baılanysty jiti tekserilip jatyr. Mundaı baqylaý sharasy Qytaı tarapynan da kúsheıdi. Osyǵan baılanysty ótkizý beketinde kólik kezegi paıda boldy. Máselen, qazirgi sátte kúnine 20 kólikti ǵana tekserip, ótkizý múmkin bolyp tur. Al beket mańynda tórt júzege jýyq kólik kezek tosýda.
Qazir kezekte turǵan júrgizýshilerdiń qaýipsizdigi men jaǵdaıyn oılaǵan Panfılov aýdanynyń ákimdigi adamdar demalatyn arnaıy palatkalar tigip, ashana qyzmetin uıymdastyrýda.
- Biz júrgizýshilerge arnap eki qonaq úıdi daıyndadyq. Kún saıyn júk kólikteri turǵan jolǵa dezınfeksııalyq tazalyq jumystary júrgiziledi. Júk kóligi ótetin jerge arnaıy sanıtarlyq beket ornattyq. Barlyǵyn mamandar qadaǵalap, tekserip otyratyn bolady,- deıdi Panfılov aýdanynyń ákimi Talǵat О́mirálıev.
Al bekettegi tekserýge oraı kezek kútip turǵan júrgizýshiler ystyq kúnde qolaıly jaǵdaı jasap otyrǵan ákimdiktiń jumystyna alǵystaryn bildirýde.
Almaty oblysy