Parlament Senatynda Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine atom energııasyn paıdalaný salasyndaǵy azamattyq-quqyqtyq jaýaptylyq máseleleri boıynsha ózgeris pen tolyqtyrýlar engizý týraly» zań jobasy qaraldy, dep habarlady Senattyń baspasóz qyzmeti.
Zań jobasymen «Halyqtyń radıasııalyq qaýipsizdigi týraly» jáne «Atom energııasyn paıdalaný týraly» zańdarǵa ózgerister men tolyqtyrýlar engiziledi.
Qujattyń maqsaty – atom ónerkásibi salasyndaǵy ulttyq zańnamany Qazaqstan Respýblıkasy 2011 jylǵy 10 aqpanda ratıfıkasııalaǵan 1997 jylǵy Iаdrolyq zalal úshin azamattyq jaýapkershilik týraly Vena konvensııasynyń erejelerine sáıkes keltirý jónindegi Qazaqstan Respýblıkasynyń halyqaralyq mindettemelerin iske asyrý jáne elimizdegi atom ónerkásibin damytýǵa járdemdesý bolyp tabylady.
Qazirgi ýaqytta elimizdiń ulttyq zańnamasynda Vena konvensııasynyń erejelerin qoldaný reglamenttelmegen, ıadrolyq qondyrǵy operatorynyń jaýapkershiligin shekteý belgilenbegen jáne ıadrolyq oqys oqıǵa týyndaǵan jaǵdaıda qarjylyq qamtamasyz etý jáne saqtandyrý máseleleri rettelmegen.
Bul zań jobasy birqatar máselelerdi quqyqtyq turǵydan retteýge yqpal etedi. Iаǵnı radıasııalyq qaýiptilik sanatyna qaraı, ıadrolyq qondyrǵy operatorynyń keltirilgen ıadrolyq nuqsan úshin azamattyq-quqyqtyq jaýaptylyǵynyń shekterin belgileý, ıadrolyq qondyrǵy operatorynyń keltirilgen ıadrolyq nuqsan úshin azamattyq-quqyqtyq jaýaptylyǵyn qarjylyq qamtamasyz etý, ıadrolyq qondyrǵy operatorynyń keltirilgen ıadrolyq nuqsan úshin azamattyq-quqyqtyq jaýaptylyǵyn saqtandyrý, talap qoıýdyń eskirý merzimi men regrestik talap qoıýdy usyný jónindegi máselelerdi quqyqtyq retteýdi kózdeıdi.
Zań jobasy qabyldanǵanda 1997 jylǵy Iаdrolyq nuqsan úshin azamattyq jaýapkershilik týraly Vena konvensııasynyń erejelerin saqtaý jónindegi Qazaqstan Respýblıkasynyń halyqaralyq mindettemelerin iske asyrý qamtamasyz etiledi, atom energııasyn beıbit maqsatta paıdalanýdyń belgili bir túrlerin paıdalaný nátıjesinde týyndaıtyn nuqsannan qarjylyq qorǵaý jáne atom salasyna ınvestısııa tartý jáne ony damytý nátıjesi kútiledi.
Zań jobasy Palatanyń qaraýyna jiberildi.