Túrkistan óńirinde Memleket basshysy Qasym-Jomart Toqaevtyń áskerı mindettilerdi arnaýly jıyndarǵa shaqyrý týraly Jarlyǵynan keıin erikti áskerı jasaqta qyzmet etkisi keletinder qatary kóp boldy. Ol zańdy da. Elimizdiń qaýipsizdigi, bolashaǵy úshin mundaı kezeńde árkimniń azamattyq belsendiligi mańyzdy, perzenttik paryzy mindetti.
Oblys ákimi О́mirzaq Shókeevtiń qaýlysyna sáıkes, óńirde elimizdiń Qarýly Kúshteriniń aýmaqtyq áskerin jasaqtaýǵa 230 azamat shaqyrylǵan. Onyń ishinde oblys ortalyǵy Túrkistan qalasyndaǵy 50 sarbazdan turatyn áskerıler jasaǵyn qala ákimi Rashıd Aıýpov basqarady. Oblysta barlyq áskerı qurylym tótenshe jaǵdaımen kúresýge jumyldyrylǵan. Desek te qaýipti kezeńde áli de qosymsha kúsh kerek. Negizgi maqsaty halyqtyń qaýipsizdigi men densaýlyǵyn qorǵaý jáne qamtamasyz etý bolyp tabylatyn áskerı jasaq qataryna eń úzdikter tańdalǵan. Oblys ákimi О́mirzaq Shókeev syn saǵatta arnaıy jıynǵa shaqyrylǵan azamattarǵa sáttilik tiledi. Osylaısha kóshelerde jaıaý baqylaý júrgizýge jáne oblys aýmaǵynda qoıylǵan blok-beketterde qyzmet atqaryp, zararsyzdandyrý jumystaryna qatysatyn arnaıy jasaqtalǵan sarbazdar iske kiristi. Jıynǵa shaqyrylǵandardyń jumys oryndary saqtalady. Jalaqylary boıynsha da olar utylmaıdy. Basqa óńirge emes, árkim ózderiniń turǵylyqty aýmaqtarynda jumys istep, jalaqy alady. Kúndelikti jumysqa baryp, keshkisin otbasyna oralady. Iаǵnı, áskerı jıynǵa shaqyrylatyndarǵa jaǵdaı jasalǵan.
Túrkistan oblysy