Búginde Shymkent qalasynda áleýmettik mańyzy bar azyq-túlik baǵasyn baqylaıtyn 4 mobıldi top jumys istep tur. Kásipkerlik salasynyń jaýapty mamandary bekitilgen 9 túrli áleýmettik azyq-túliktiń baǵasyn baqylaý úshin kúndelikti sýpermarket, dúkender men bazarlardy aralap, tekserý jumystaryn júrgizýde.
Qazirgi tańda qalamyzda 2000-nan astam dúken bar. Mobıldi top qyzmetkerleri dúken ıelerine assortımenttegi taýar túrleriniń shekti baǵadan aspaýy kerektigin eskertip, kúndelikti monıtorıngtik jumystar júrgizýde.
Eger azyq-túlik dúken ıeleri shekti baǵany saqtamaı, baǵany mardymsyz kóterse, eskertýsiz 100 AEK, qaıtalanǵan jaǵdaıda 200 AEK aıyppul salatyn bolady.
Búgingi tańda mobılddi top jumystarynyń kórsetkishi boıynsha qaladaǵy «GraMad», «Magnum», «Fırkan» sýpermarketteriniń 21 saýda núktesi men 7 bazardaǵy jyljymaly oryndarda áleýmettik mańyzy bar azyq-túlik taýarlary belgilengen baǵada satylýda.
Sonymen qatar, dúkenderdegi áleýmettik taýar ónimderiniń taýar assortımentinde belgilengen baǵadaǵy ónim bolmaǵan jaǵdaıda nemese mardymsyz qymbattatqan jaǵdaıda qala turǵyndary úshin arnaıy 8 778 136 18 47 WhatsApp jelisi men 39-50-55 Call-ortalyq iske qosylǵan.
Shymkent