Indýstrııa jáne ınfraqurylymdyq damý mınıstri Beıbit Atamqulovtyń jáne Azamattyq avıasııa komıteti, «Azamattyq avıasııa akademııasy» AQ jáne «Qazaqstannyń avıasııalyq ákimshiligi» basshylarynyń qatysýymen beınekonferensııa baılanysy rejıminde azamattyq avıasııa mamandaryn daıarlaý sapasy máseleleri boıynsha jumys keńesi ótti. Búl týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Mınıstr akademııada kadrlar daıarlaýdyń jetkiliksiz deńgeıin atap ótti. Birinshi kezekte bul ushý quramyn oqytý baǵdarlamasynyń halyqaralyq standarttaryna sáıkes kelmeýine, sondaı-aq otandyq avıakompanııalar tarapynan salalyq oqý orny túlekteriniń tómen suranysqa ıe bolýyna baılanysty. Máseleni sheshý úshin vedomstvo basshysy talapkerlerdi irikteýdi kúsheıtýdi jáne akademııaǵa túsý úshin ótý baldaryn arttyrýdy, sondaı-aq avıasııanyń basqa túrleri úshin personaldy daıarlaý baǵdarlamasyn engizýdi tapsyrdy. Kóptegen jyldar boıy Boıng korporasııasynyń bas pıloty bolǵan «Qazaqstannyń avıasııalyq ákimshiligi» ushý qaýipsizdigi departamentiniń basshysy Lında Orledı de birqatar mańyzdy eskertýlerdi aıtyp ótti.
Sonymen, júrgizilgen ınspektorlyq tekserý qorytyndysy boıynsha Akademııanyń birqatar sáıkessizdikteri atap ótildi, olar JOO-nyń Bilim jáne ǵylym mınıstrliginen beıindi mınıstrlikke berilýin esepke ala otyryp, jas avıatorlardy oqytý tásilderin júıeli ózgertýdi talap etedi. О́z kezeginde buǵan deıin alǵa qoıylǵan mindetterdi tabysty júzege asyrý jáne aldyńǵy qatarly álemdik joǵary oqý oryndarynyń qataryna shyǵý úshin Azamattyq avıasııa akademııasy 2025 jylǵa deıingi akademııany damytý baǵdarlamasyn bekitken bolatyn. Talqylaý qorytyndysy boıynsha ol halyqaralyq sarapshylardyń usynystaryn eskere otyryp, jaqyn arada qaıta qaralatyn bolady.