Búginde Jambyl oblysynda koronavırýs ınfeksııasyn juqtyrý deregi kún sanap artýda. Máselen, 22 sáýir kúni 9 jaǵdaı anyqtalsa, 23 sáýir kúni 10 birdeı jaǵdaı tirkeldi.
Sońǵy málimetter boıynsha, 19 jastaǵy Taraz qalasynyń turǵyny buǵan deıin naýqaspen baılanysta bolǵandyǵy úshin karantındik stasıonarǵa oqshaýlanǵan. Ol taldaý qorytyndysy oń nátıje kórsetkennen keıin ınfeksııalyq stasıonarǵa jetkizilgen. Sol sııaqty, sońǵy juqtyrǵan 41 men 92 jas aralyǵyndaǵy naýqastardyń bireýi er adam bolsa, toǵyzy áıel eken. Olarǵa epıdemıologııalyq tekserý júrgizilýde. Baılanysta bolǵan tulǵalardy anyqtaý, olardy karantındik stasıonarǵa ornalastyrý, zerthanalyq zertteý úshin materıaldar alý boıynsha jumystar atqarylýda.
Jalpy, búginde Jambyl oblysy aýmaǵynda koronavırýstyq ınfeksııanyń 98 jaǵdaıy tirkelgen. Onyń ishinde Taraz qalasynda 45 jaǵdaı, Baızaq aýdanynda 4, Jambyl aýdanynda 4, Qordaı aýdanynda 33, Merki aýdanynda 2, Moıynqum jáne Shý aýdanynda bir-bireýden anyqtalǵan. Sondaı-aq, Úndistannan kelgen «Delı – Taraz» reısiniń jolaýshylary arasynan 6 oqıǵa, Atyraý oblysyndaǵy teńiz vahtalyq kentinen kelgen qyzmetkerlerden 2 jaǵdaı anyqtalǵan. Naýqastardyń ishinen 40 adam saýyǵyp, dárigerlerdiń qadaǵalaýyndaǵy úı karantınine shyǵarylǵan.
Jambyl oblysy