Sońǵy aıda Almaty mańynda jer silkinisi jaǵdaılary jıilegen. Qýaty kúshti bolmasa da 2-3 baldy quraıtyn jer dúmpýleri osy aıda Qazaqstan-Qytaı shekarasyna jaqyn aýmaqta, Almaty oblysynyń aýmaǵynda birneshe ret tirkeldi. 25 sáýir, ıaǵnı ótken túnde Almaty ýaqytymen 03 saǵat 56 mınýtta jáne 06 saǵat 55 mınýt 25 sekýndta qos birdeı jerasty dúmpýi tirkeldi.
«Seısmologııalyq tájirıbe-ádistemelik ekspedısııasy» MM-niń seısmıkalyq stansalar jelisi habarlaǵandaı, 25 sáýir kúni bolǵan alǵashqy jer silkinisiniń oshaǵy Almaty qalasynan ońtústik batysqa qaraı 130 shaqyrym qashyqtyqta Qyrǵyzstan aýmaǵynda ornalasqan. Terbelistiń energetıkalyq klasy 11,5, magnıtýdasy – 4,5. Tabıǵattyń tosyn minezi Almaty qalasynda 2 baldyq deńgeıde sezilgen.
Ekinshi jer silkinisiniń oshaǵy Almaty qalasynan ońtústik batysqa qaraı 426 shaqyrym qashyqtyqta Qyrǵyzstan aýmaǵyna jaqyn mańda oryn alǵan. Jer silkinisiniń energetıkalyq klasy 11,2, magnıtýdasy – 4,9. Jerasty dúmpýi 15 kılometr tereńdikte bolǵan.