Túrkistan oblysy Tólebı aýdanynda jazdygúni taý bókterinde salqyn aýa, tamasha tabıǵat aıasynda demalǵysy keletinder dittegen jerine jyldam jetetindeı jaǵdaı jasalýda. Iаǵnı ótken jyly jergilikti bıýdjet esebinen 28,838 shaqyrym bolatyn kóshelerge jóndeý jumystary júrgizilgen bolatyn.
Al bıylǵy jyly 42 kósheni jóndeý josparlanyp otyr. Bul baǵytta respýblıkalyq, oblystyq jáne aýdandyq bıýdjetterden qarjy qaralyp, jalpy uzyndyǵy 68,4 shaqyrym bolatyn jol jóndeýden ótedi.
Nátıjesinde aýdanda jaqsy jáne qanaǵatty jaǵdaıdaǵy kóshe joldardyń úlesi 39-dan 50,4 paıyzǵa artpaq. Budan bólek, aýdandyq mańyzy bar avtomobıl joldary boıynsha Lengir qalasyndaǵy ortalyq Tólebı, Á.Bektaev kósheleri, Shahta Toǵys jáne Baldyberek-Tóńkeris eldi mekenderdiń joldary ıaǵnı, 18,5 shaqyrym kóshe ortasha jóndeýden ótkiziledi. Bul jumystar tolyǵymen aıaqtalǵan jaǵdaıda bıylǵy jyldyń qorytyndysy boıynsha jaqsy jáne qanaǵatty jaǵdaıdaǵy aýdandyq mańyzy bar avtomobıl joldarynyń úlesi 75 paıyzdan 90 paıyzǵa artpaq.