Kenshiler astanasynda qashyqtan keńes berý ortalyǵy qurylyp, jumys isteı bastady. Mundaǵy onlaın-keńes berýdi hırýrgtar, kardıologtar, nevropatologtar, ortopedter, travmatologtar, endokrınologtar jáne basqa da salanyń mamandary kún saıyn júzege asyrady.
Jalpy, salalyq mamandardyń onlaın-rejımde tájirıbe júrgizýi elimiz boıynsha tótenshe jaǵdaı rejıminiń engizilýine baılanysty Qaraǵandy oblysynda sáýir aıynyń basynda iske qosylǵan bolatyn.
О́ńir turǵyndarynyń dıagnozyn onlaın-rejımde qoıǵan kezde dárigerler anamnezge, osyǵan deıin dárigerlerge qaralyp, solardyń jazǵan derekterine jáne pasıenttiń sózine súıenedi.
Oblystyq densaýlyq saqtaý basqarmasynyń ahýaldyq ortalyǵynyń basshysy Evgenıı Sherbov naýqastar týraly barlyq derekter, olardyń densaýlyq tólqujaty keshendi medısınalyq aqparattyq júıede (QAJK) saqtalatynyn aıtady.
– Dáriger tolyq aqparatty kóre alady, sondaı-aq ol pasıentpen aýdıo nemese beıne baılanys arqyly habarlasady. Iаǵnı, dáriger naýqastyń jaǵdaıyn kórip, qajetti suraqtar qoıady, – dep túsindirdi ol.
Budan bólek, keshendi medısınalyq aqparattyq júıesi (KMAJ) dárigerlerge vırtýaldy konsılıýmdar ótkizýge de múmkindik beredi.
Búgingi kúnge deıin dárigerler qashyqtan 38 myńnan astam keńes berip úlgerdi. Olardyń 18 myńnan astamy ýchaskelik dárigerlerge jáne 20 myńǵa jýyǵy salalyq mamandarǵa arnalǵan.