Bıyldyń 3 aıynda Sybaılas jemqorlyqqa qarsy is-qımyl agenttigi Túrkistan oblysy boıynsha Departamentiniń jedel izdestirý is-sharalary nátıjesinde, sotqa deıingi tergep-tekserýdiń biryńǵaı tizilimine jalpy sany 69 qylmys tirkelgen. Onyń 46-sy sybaılas jemqorlyq qylmysy.
Bul týraly Departament basshysynyń birinshi orynbasary Mıras Qarǵabaı 2020 jyldyń 1 toqsany qorytyndylanǵan baspasóz konferensııasynda málim etti. Sondaı-aq, M.Qarǵabaı ótken jyly bıýdjet qarajatyn jymqyrý deregi boıynsha – 11 qylmys tirkelgenin jáne jyl basynan beri anyqtalǵan qylmystardyń sany 32-ge jetkendigin aıtty. Anyqtalǵan qylmystardyń negizinde memleketke 508,7 mln teńge zalal keltirilgen. Onyń 502,9 mln teńgesi (98,9%) memleket bıýdjetine qaıtarylý arqyly tolyǵymen óndirilgen.
Baspasóz konferensııasynda M. Qarǵabaı Agenttikpen bekitilgen basym baǵyttar boıynsha, onyń ishinde memlekettik baǵdarlamalarǵa bólingen bıýdjet qarajatyn ysyrap etý, júıeli sybaılas jemqorlyq derekterin anyqtaý, laýazymdy tulǵalar tarapynan shaǵyn jáne orta kásipkerlik bıznesine zańsyz aralasý, kóleńkeli ekonomıkaǵa laýazymdy tulǵalar tarapynan qamqorshylyq jasaý derekterin anyqtaýda Departament jedel qyzmetiniń jeke quramy júıeli jumys júrgizýde ekenin atap ótti.
Túrkistan oblysy