Elordada kún saıyn masalar men basqa da jándikterge qarsy dezınseksııalyq jumystar júrgizilip jatyr. Jumys eki aýysymda atqarylyp jatyr. Bıyl masalardan aýmaqty óńdeý jospary 20%-ke, sý qoımalaryn óńdeý 25%-ke artty. Bul týraly qala ákimdiginiń resmı saıty habarlady.
«Aýmaqty óńdeý rotorly búrikkishtermen de, mashınalarmen de júrgiziledi. Barlyq aýdandardy qamtyp jatyrmyz. Birinshi kezekte sý qoımalary, jertóle jaılary óńdeldi. Qala ishin óńdeýge kiristik. Jumystar kún saıyn júrgiziledi», - dep atap ótti mamandar.
Sý qoımalaryn, qalanyń kvartalishilik aýmaqtaryn jáne jalpy qoldanystaǵy aýmaqtardy (kósheler, saıabaqtar, skverler) óńdeýge erekshe kóńil bólinedi. Masalarmen kúres tıimdi bolýy úshin turǵyn úılerdiń jertólelerin, mektep pen balabaqsha aýmaqtaryn, densaýlyq saqtaý, mádenıet jáne sport nysandaryn, bazarlardy, saýda úılerin jáne t.b. zararsyzdandyrý mańyzdy.