Bıylǵy UBT-ny tapsyrǵan talapkerge burynǵydan bólekshe sertıfıkat berilmek. Bul týraly Bilim jáne ǵylym mınıstrliginiń apparattyq jınalysynda belgili boldy.
Otyrysta vedomstvonyń Joǵary oqý ornynan keıingi bilim berý departamentiniń dırektory Ádilet Toıbaev 2020 jylǵy UBT-ǵa engizilgen ózgeristerge toqtaldy.
– Testileýdiń formaty ózgermeıdi. Oqýǵa túsýshiniń bilimi burynǵydaı beıindi jáne mindetti pánder negizinde, sondaı-aq buǵan deıingi shkala boıynsha baǵalanady. Shekti ball jınaı almaǵan jáne birinshi akademııalyq kezeń aıaqtalǵanǵa deıin aqyly bólimge qabyldanǵan tulǵalar UBT-ny bir jyldyń ishinde tapsyrady. UBT-daǵy taǵy bir ózgeris sertıfıkatpen baılanysty. Maýsym aıynda ótetin testileýdiń qorytyndysynda burynǵydaı qaǵaz túrindegi sertıfıkat emes, elektrondyq sertıfıkat beriledi, – dedi Á.Toıbaev.
Aıta keteıik, maýsym aıynda ótetin negizgi UBT-ǵa ótinimder 10 mamyrǵa deıin qabyldanady. О́tinishti qalaı berýge bolatynyn buǵan deıin tolyǵyraq jazǵanbyz.