Ekologııa, geologııa jəne tabıǵı resýrstar mınıstrligi sybaılas jemqorlyqty aldyn alý maqsatynda birqatar sharalar qabyldaýdy kózdep otyr. Mınıstrlik satyp alýlardy ótkizý men jobalardy iske asyrýdy barynsha ashyq túrde júrgizýge nıetti. Bul týraly vedomstvo basshysy Maǵzum Myrzaǵalıev habarlady.
«Sybaılas jemqorlyqqa qarsy agenttikpen birge Ekologııa mınıstrliginiń komıtetterindegi sybaılas jemqorlyq qaýpine jasalǵan syrtqy taldaý nətıjesin talqyladyq. Biz bul məselede baqylaý men jaýapkershilikti, onyń ishinde kadr tańdaýdy kúsheıtýdi kózdeýdemiz», - dep jazdy M.Myrzaǵalıev óziniń Twitter paraqshasynda.
«Sonymen qatar barlyq anyqtalǵan təýekelderdi joıýǵa, tolyqtaı transformasııalaýdy ótkizýge kúsh salyp, sybaılas jemqorlyqqa qarsy is-qımyl təsilderin sıfrlandyrý, ruqsat berý rəsimderin jetildirý men avtomattandyrý, əkimshilik kedergilerdi azaıtý esebinen qaıta qaraýǵa daıynbyz», - dedi mınıstr.
Vedomstvo basshysynyń aıtýynsha, mınıstrlik komıtetteri sybaılas jemqorlyq qaýpin joıý josparyn əzirledi. M.Myrzaǵalıev ony iske asyrýdy jeke baqylaýynda ustaıtynyn aıtty. Budan basqa, jaýapty organ jobalardy iske asyrý prosesi barynsha ashyq bolýy úshin jurtshylyqty tartýǵa nıetti.
«Sonymen qatar halyqty óńirlerdegi satyp alýlar men bıýdjettik ınvestısııalyq jobalardy iske asyrýǵa baqylaý jasaý prosesine tartýǵa nıettimiz. Osynyń barlyǵy vedomstvodaǵy sybaılas jemqorlyq qaýpin tómendetip, kóp prosestiń ashyq júrgizilýine, halyqqa esep berýge múmkindik beredi degen oıdamyn», - dedi sala basshysy.