2020 jylǵy 30 sáýirdegi jaǵdaı boıynsha medısınalyq saqtandyrý qoryna shamamen 319 mıllıard teńge tústi. Bul týraly «Áleýmettik medısınalyq saqtandyrý qory» Almaty fılıalynyń ókilderi habarlady.
«Barlyq qarajattyń besten biri Almatyǵa tıesili. Jalpy, 2017 jyldyń 1 shildesi men 2020 jyldyń 30 sáýiri aralyǵynda Almatydan MÁMS boıynsha túsimderdiń jalpy somasy 1 mıllıon 650 myń adamǵa 63 mıllıardtan astam teńgeni qurady. Tabystyń negizgi bóligi nemese 56,7 mlrd teńgeden astamy - jumys berýshilerdiń jarnalary, qalǵan 6,6 mlrd teńgesi jeke kásipkerler men azamattyq-quqyqtyq kelisimsharttar boıynsha jumys jasaıtyn jeke tulǵalardyń salymdary», dedi fılıal dırektorynyń orynbasary Janar Kenjebaeva.
Sondaı-aq biryńǵaı jıyntyq tólemdi tóleýshilerdiń 85 myńnan (2020 jyldyń 1 sáýirine deıin tólegen) búkil Qazaqstan boıynsha 1,8 mıllıon azamatqa deıin ósýi baıqalady. Almatyda bul kórsetkish 10 myńnan 165 myń adamǵa deıin ósti. Bul tabysy joq jáne resmı jumys istemeıtin azamattardyń járdemaqy alý úshin tólem jasaǵanymen baılanysty.
Osylaısha, 2019 jyldyń basynan bastap 165 myńǵa jýyq ózin-ózi jumyspen qamtyǵan almatylyqtar ózderi úshin 210 mıllıon teńge tóledi.