Úkimet Qaýlysymen Sáken Júnisbekuly Musaıbekov Mádenıet jáne sport vıse-mınıstri laýazymyna taǵaıyndaldy. Bul týraly Premer-Mınıstrdiń baspasóz qyzmeti habarlady.
Sáken Musaıbekov 1967 jyly Soltústik Qazaqstan oblysynda dúnıege kelgen. Qazaq polıtehnıkalyq ınstıtýtyn, Qazaq memlekettik basqarý akademııasyn támamdaǵan.
Eńbek jolyn 1991 jyly «Alma» Almaty salaaralyq iskerlik qatynastar ınterassosıasııasynyń marketıng boıynsha jetekshi mamany bolyp bastaǵan.
1995-1996 jyldary — Mınıstrler Kabıneti janyndaǵy Shetel kapıtalyn paıdalaný komıtetiniń Syrtqy kómekti úılestirý basqarmasynyń jan-jaqty kómek sektorynyń jetekshi mamany, bas mamany.
1996-2000 jyldary — Parlament Májilisi tóraǵasynyń kómekshisi.
Túrli jyldary memlekettik kirister mınıstriniń keńesshisi, Qarjy mınıstrliginiń Ákimshilik departamentiniń dırektory, «Qazaqavtojol» RMK bas dırektorynyń orynbasary, Qarjy mınıstrligi apparatynyń jetekshisi qyzmetterin atqarǵan.
2004-2005 jyldary — kólik jáne komýnıkasııalar vıse-mınıstri.
2008-2012 jyldary — «Qazyna» turaqty damý qory» AQ basqarýshy dırektory, «Samuryq-Qazyna» AQ apparatynyń basshysy.
2012-2015 jyldary — Sporttyq jekpe-jek jáne kúsh qoldanylatyn sport túrleri konfederasııasynyń bas dırektory.
2015 jyldan 2019 jylǵa deıin Mádenıet jáne sport vıse-mınıstri bolyp qyzmet atqardy.
2019 jylǵy aqpannan qazirgi tańǵa deıin Ulttyq olımpıada komıtetiniń bas hatshysy laýazymyn atqarǵan.