E-SHANYRAQ jobasyn iske asyrýdyń negizgi maqsaty - turǵyn úı-kommýnaldyq ınfraqurylym monıtorıngi men basqarý prosesin qamtamasyz etý úshin, onyń ishinde turǵyn úı qory jáne turǵyn úı-kommýnaldyq sharýashylyq sýbektileri qyzmetiniń jedeldigin, tıimdiligi men ashyqtyǵyn arttyrýǵa baǵyttalǵan qural qurý. Demek, turǵyn úı-kommýnaldyq sharýashylyqtyń barlyq salasy úshin biryńǵaı sıfrlyq ekojúıe jasaqtaý. Bul týraly IIDM baspasóz qyzmeti habarlady.
Qazirgi ýaqytta turǵyndar, PIK/MIB, TMS, kommýnaldyq qyzmetterdi jetkizýshiler, jergilikti atqarýshy organdar men ortalyq memlekettik organdardyń turǵyn úı kommýnaldyq sharýashylyq salasyn damytýdaǵy ózara is-qımylynda birshama qıyndyqtar týyndap otyr.
Olardy joıý jáne jobany iske asyrý maqsatynda QR Indýstrııa jáne ınfraqurylymdyq damý mınıstriniń 2020 jylǵy 31 naýryzdaǵy № 172 buıryǵymen Aqparatty qalyptastyrý, óńdeý, sondaı-aq ortalyqtandyrylǵan jınaý jáne saqtaý qaǵıdalary bekitildi. Onyń sheńberinde turǵyn úı qatynastary men turǵyn úı-kommýnaldyq sharýashylyq (TKSh) salasyna qatysýshylar arasyndaǵy aqparattyq ózara is-qımyl prosesi reglamentteldi.
Atalǵan qaǵıdalarǵa sáıkes «TKSh damytý ortalyǵy» TKSh salasynda ortalyqtandyrylǵan aqparat jınaýdy qamtamasyz etedi jáne odan ári óńdep, taldaý úshin «E-Shanyraq» aqparattyq júıesinde saqtalýyn qamtamasyz etedi. Sondaı-aq. TKSh aqparattandyrý obektilerine tehnıkalyq jáne fýnksıonaldyq sıpattamalar belgileıdi.
Qazir TKSh aqparattandyrý obektilerine tehnıkalyq jáne fýnksıonaldyq sıpattamalar júıesi boıynsha tehnıkalyq qujattama ázirleý jumystary júrgizilýde.
Sondaı-aq, «E-Shanyraq»-ty júzege asyratyn jetkizýshini anyqtaý úshin júıeni túrli jetkizýshilermen júzege asyrýdyń balamaly nusqalary qarastyrylady.
О́z kezeginde joba aıasynda bıyl ekinshi jartyjyldyqtyń sońyna deıin kelesi jumystar júrgiziledi:
- «E-Shanyraq» aqparattyq júıesiniń fýnksıonalyn ázirleý;
- aqparattyq qaýipsizdik talaptaryna sáıkestigine jáne «E-Shanyraq» aqparattyq júıesiniń sapasyna synaqtar júrgizý;
- «E-Shanyraq»-tyń TKSh salasyndaǵy aqparattandyrý obektilerimen ıntegrasııalanýyn qamtamasyz etý;
- «E-Shanyraq»-tyń «Elektrondyq úkimettiń» aqparattandyrý obektilerimen ıntegrasııalanýyn qamtamasyz etý;
- «E-Shanyraq»-ty ónerkásiptik paıdalanýǵa engizý.
Jobany iske asyrý:
- tozǵan turǵyn úıdi jóndeýdi qarjylandyrý boljamdaryn (baǵalaý) jyldar boıynsha júrgizýge;
- kóppáterli turǵyn úılerdiń sany, tehnıkalyq jaǵdaıy boıynsha naqty málimetter alýǵa;
- jalpy úıge ortaq esepteý quraldarymen «aspaptandyrý» esebinen tarıf qurýdyń aıqyndylyǵyn kórsetýge;
- elektrondyq esep júıelerimen ıntegrasııalaý esebinen qyzmet kórsetý sapasyn arttyrýǵa múmkindik beredi.