Indýstrııa jáne ınfraqurylymdyq damý mınıstrliginiń málimetinshe, endi belgili bir sanattaǵy adamdardyń ózderine ǵana emes, olarmen birge turatyn otbasy múshelerine de kommýnaldyq ótemaqy beriledi. Bul tizimge barlyq toptaǵy múgedekter, maıdangerler men oǵan teńestirilgender kiredi. Sonymen qatar, múgedek balalardy tárbıelep otyrǵan jáne kóp balaly otbasylar da bar.
Sondaı-aq eń tómengi jáne odan tómen zeınetaqy alatyn jáne jalǵyzbasty zeınetkerler, áskerı, quqyqtyq qyzmet barysynda qaza tapqan adamdardyń otbasylary. Osylaısha Úkimet 1 mıllıon 600 myń turǵynnyń sáýir-mamyr aılaryndaǵy, ıaǵnı tótenshe jaǵdaı rejımi kezindegi kommýnaldyq qaryzyn óteý úshin bıýdjetten 50 mıllıard teńgege jýyq qarjy bóldi.
Al Kókshetaýda mundaı jeńildikti 11446 adam alady dep kútilýde. Ol úshin atalǵan sanatqa jatatyndar elektrondy portal arqyly ótinish jiberýleri kerek. Nemese jumyspen qamtý jáne áleýmettik baǵdarlamalardy úılestirý bólimine kelýleri qajet. Qazirgi ýaqytta turǵyndardan ótinishter qabyldanýda. Biraq atalǵan ózgerister Kókshetaýda áli engizilmegen.
– Naqty ereje engizilip, ózgerister men tolyqtyrýlar áli kelip túsken joq. Aldyndaǵy ereje boıynsha osy sanatqa kiretinderdiń jeke kommýnaldyq esepshottary bolýy kerek,–deıdi qalalyq jumyspen qamtý bólimi jetekshisiniń orynbasary Aıdarhan Sádýaqasov.
Qamqorlyq sharadan eshkim de qaǵys qalmaıdy.