Endovıdeohırýrgııany medısınanyń bolashaǵy dep ataıdy. Shalǵaıdaǵy Jarqaıyń aýdanynda bul ádis úsh jyldan beri sátti qoldanylyp keledi. Ári bul oblys boıynsha laparoskopııa qoldanatyn jalǵyz aýdan.
Kókshetaýda laparoskopııalyq otalar burynnan jasalady. Atbasar aýdany qazir bul ádisti endi-endi meńgerýde. Al aqkóldikter ota jasaýǵa qajetti medısınalyq qurylǵylardy taıaýda ǵana satyp alypty. Al Jarqaıyń aýdany birshama tájirıbe jınaqtap úlgergen. Aýdandyq ortalyq aýrýhana qajetti qural-jabdyqtarmen 84 prosentke qamtamasyz etilgen. О́kinishke qaraı, dárigerler 66 prosent qana. Aýdanda dárigerlerdiń jetispeýshiligi sońǵy jyldary qatty sezilýde. Naqtyraq aıtqanda, 22 maman, onyń ishinde 13 dáriger jetispeıdi.
– Qazirgi ýaqytta biz birneshe zertteý túrin júrgizýdemiz. Atap aıtqanda, rentgenografııalyq, flıýrografııalyq, mammografııalyq jáne ýltradybystyq zertteýler. Laparoskopııalyq tireýdi qoldana otyryp otanyń ár túrin jasaımyz, – deıdi Jarqaıyń aýdandyq ortalyq aýrýhanasy bas dárigeriniń mindetin atqarýshy Inna Rýselık.
Endovıdeohırýrgııa – zamanaýı hırýrgııa baǵyttarynyń biri. Dástúrli tehnıkamen salystyrǵanda onyń artyqshylyqtary kóp. Sonyń arqasynda bul ádis keńinen beleń alyp keledi.
Bul laparoskopııalyq ádistiń taǵy birneshe artyqshylyǵy bar. Bıyl aýdan hırýrgtary 69 ota jasap, onyń 43-ine zamanaýı ádis qoldanyldy.
– Bul operasııanyń artyqshylyǵy otadan keıin naýqas jyldam jazylady. Kelesi kúni ol ornynan tura alady. 2,3 táýlik ótken soń naýqasty aýrýhanadan shyǵaramyz. Aýrý juqtyrý, asqyný qaýpi az. Eger otany ish qýysyna 4 jyl burynǵydaı dástúrli ádispen jasasaq, naýqas tek 3-6 aıdan keıin ǵana qalpyna keler edi, – deıdi Jarqaıyń aýdandyq ortalyq aýrýhanasy hırýrgııa bólimshesiniń jetekshisi Mahambet Dosmuratov.
Aqmola oblysy