Koronavırýs indeti qazaqstandyq energetıkterdiń kásibı sheberligin jáne qolda bar jabdyqtyń tozyǵy jetkenine qaramastan, salanyń joǵary uıymshyldyq múmkindigin kórsetti.
TJ rejımi kezinde «Samuryq-Energo» AQ-nyń Ekibastuz energııa keshenindegi kásiporyndarda KVI-diń 11 rastalǵan jaǵdaıy tirkeldi. Búgingi tańda 2 jumysker saýyǵyp shyqty, 272 adam úı jaǵdaıyndaǵy karantınde. Bul jerde sóz «Bogatyr Kómir» JShS, «B.Nurjanov atyndaǵy Ekibastuz GRES-1» JShS jáne «Ekibastuz GRES-2 stansııasy» AQ týraly bolyp otyr.
Búgingi tańda elektr energetıkalyq holdıng - «Samuryq-Energo» AQ-nyń óndirýshi, jiberýshi jáne bólip-taratýshy kompanııalary shtattyq rejımde jumys istep, tutynýshylarǵa elektr energııasyn jetkizip berý jáne kómir jóneltý jónindegi ózderiniń mindettemelerin tolyǵymen oryndaýda. Tótenshe jaǵdaı rejımi kezinde, 2020 jylǵy naýryz - 11 mamyr aralyǵynda «Samuryq-Energo» AQ- nyń elektr stansııalary óndirgen elektr energııasynyń kólemi 4 984 109 myń kVtsaǵatty, sol kezeńde satylǵan kómirdiń kólemi 9 462 590 tonnany qurady. GRES-1, GRES-2 jáne AlES tutynýshylarǵa 1 mln. Gkal. astam kólemde jylý jiberilýin qamtamasyz etti.
Aıaqtalǵan tótenshe jaǵdaı rejımi kezinde de, búginderi jalǵasyp jatqan karantın jaǵdaıynda da energetıkalyq kásiporyndarda koronavırýs ınfeksııasy tarqalýyna jol bermeý úshin múmkin bolǵan sharalardyń bári qolǵa alyndy. Bul oraıda energetıkter tutynýshylardy elektr energııasymen, jylýmen jáne jyly sýmen qamtamasyz etý jónindegi ózderiniń mindetin tolyǵymen oryndaý úshin stansııalardyń shtattyq rejımde jumys isteýin qamtamasyz etti. Endi energetıkter karantınnen abyroımen ótti dep aıtýǵa bolady.
Kómir óndirýshi asa iri kásiporyn «Bogatyr Kómirde» 6500-den astam adam jumys isteıdi. TJ rejımi kezinde 251 jumysker úı jaǵdaıyndaǵy karantınde boldy. Kenshilerdiń tııanaqty jumys isteýi arqasynda kómirdiń óndirilýi men jóneltilýi shtattyq rejımde ótti. Úıde oryndaı alatyn qyzmetkerler qashyqtan jumys isteýge jiberildi. Jumys ornyna qaýipsiz jetkizý úshin qosymsha 16 avtobýs jumyldyryldy.
Ekibastuz GRES-2-de jumys prosesiniń úzilmeúin qamtamasyz etý maqsatynda, qaterli topqa jatatyn jumyskerlerdiń 12,4%- in úıde oqshaýlaý úshin olarǵa demalys kúnderi berildi; personal jetispegendikten jáne ýaqytsha aýystyratyn adam bolmaǵandyqtan, stansııanyń aýysym bastyqtary, sondaı-aq elektr sehy men hımııa sehy jumyskerleriniń bir bóligi úsh aýysymdy jumysqa (demalyssyz) kóshirildi; personal únemi qyzmet kórsetýge tıis osal ýchaskeler men jabdyqtar aıqyndaldy; jedel jóndeýdi josparlaý jınalystary qashyqtyq rejımine kóshirildi.
Ekibastuz GRES-1-de jumyskerlerdiń ómiri men densaýlyǵyn qorǵaý baǵytyndaǵy is-sharalar ázirlenip, júzege asyrylýda, «Sanıtarlyq-epıdemııaǵa qarsy keshendi is-sharalar jospary» qoldanysqa engizildi. Búginderi 90 jumysker karantınde júr. Personaldyń jetispeýshiligi stansııa jumysynyń qýattylyǵy men jumys kestesine áser etpedi. Bul jaǵdaı
tehnologııalyq proseske de áserin tıgizgen joq. О́ndirý kólemi «KEGOK» AQ JO UDO-nyń kestelerine saı qamtamasyz etilýde.
«Samuryq-Energo» AQ-nyń óndirýshi kompanııasy - «Almaty elektr stansııalary» AQ-da (AlES) jumyskerlerdiń bir bóligi qalanyń syrtynda turady. Olardyń birazy bir kúnniń ishinde qashyqtan jumys isteý rejımine kóshirildi. Tikeleı óndirispen baılanysty jáne jóndeý jumystarymen aınalysatyn, biraq qalanyń syrtynda turatyn jumyskerler qalada ornalastyryldy. Kompanııa olardyń úı jaldaý shyǵystaryn ótedi. Karantın merziminde, jumyskerlerdiń ótinishi boıynsha, kompanııanyń kásipodaǵy barlyǵy bolyp 200-den astam jalǵa berýshimen shart jasasyp, qarjy aýdardy.