Búgin Shymkent qalasynyń ákimi Murat Áıtenov qatty jaýyn-shashyn saldarynan sý basqan Eltaı eldimekenine baryp, jaǵdaı barysymen tanysty. Sý shaıǵan jerlerdi aralap kórgen qala ákimi tez arada osy salaǵa jaýapty orynbasarynyń tóraǵalyǵymen tasqyn zardaptaryn joıý jáne aldyn alý jumystary jóninde arnaıy komıssııa qurýdy tapsyrdy.
Mamandardyń pikirine súıene aldaǵy úsh kúnde tolassyz jaýyn-shashynnyń bolatynyn aıtqan Murat Dúısenbekuly, tabıǵattyń tosyn minez tanytýyna qarsy sharalar meılinshe kúsheıtilýin qatań baqylaýǵa alýdy mindettedi. Sonymen qatar, ákim jaýynnan keletin qaýipti aldyn ala boljaı almaǵan jaýapty azamattarǵa tıisti shara qoldanylatynyn málim etti.
«Men birnárseni naqty aıtaıyn. Eger jaǵdaı ári qaraı ýshyqsa ákim retinde qyzmetińizden shettetilesiz. Sizder aldyn ala boljam jasap, qaýiptiń aldyn alýǵa mindettisizder. Tranzıtti sý bolǵandyqtan qalany baspaýy tıis», - dedi qala ákimi Murat Áıtenov.