Bul týraly Qazaqstan musylmandary dinı basqarmasynyń tóraǵasy, bas múftı Naýryzbaı Qajy Taǵanuly aıtty.
«18 mamyrda jeke qulshylyq jasap, Quran oqytyp, neke qıdyrýǵa nıet bildirgen azamattar úshin meshitterimizdi ashamyz. Bul – elimizdegi barlyq meshittiń esikteri ashylady degen sóz emes. О́ıtkeni, árbir oblystaǵy karantıntik jaǵdaı deńgeıi ártúrli. Bas sanıtarlyq dárigerdiń karantındik rejımniń kezeńdik talaptaryn saqtaý boıynsha qaýlysyn ustanýdamyz. Sonymen qatar, óńirlerdiń koronavırýstyq ınfeksııanyń taralýyna jol bermeý jónindegi jedel shtabtyń qaýlysyna sáıkes jumys júrgizemiz. Osyǵan oraı, oblystaǵy meshitterimizdiń ashylýy sol óńirlerdegi koronavırýstyq ınfeksııanyń taralýyna jol bermeý jónindegi jedel shtabtyń qaýlysyna sáıkes júzege asyrylady. Al karantın talaptaryn saqtaý úshin jamaǵatpen oqylatyn bes ýaqyt, juma, taraýyq namazdaryna qatysty qoıǵan ýaqytsha shekteýdi óz kúshinde qaldyryp otyrmyz» dedi Naýryzbaı Qajy Taǵanuly.
Sondaı-aq ol jamaǵatpen oqylatyn namazdardyń merzimin aldaǵy ýaqytta qosymsha habarlaıtynyn jetkizdi.