Búgin, 26 qyrkúıek kúni keshke Ýkraınanyń Doensk qalasynda jergilikti «Donbass» komandasymen kezdesip, ony 4:2 etip jeńgen Astananyń «Barysy» osymen Qurlyqtyq hokkeı lıgasy chempıonatynda qatarynan besinshi utysyna qol jetkizdi. Bul týraly Egemennews.kz tilshisi habarlady.
Astanalyqtar alǵashqy 15 mınýtta alań ıeleriniń tegeýrindi shabýylyna tótep bere kelip, oıyndaǵy tepe-teńdikke jetti. Muny olar tez golǵa da aınaldyra bildi. Osy kezde birinshi shaıbany Dastın Boıd túsirip úlgerdi. Arada ekijarym mınýt ótkende, oıynnyń 18-mınýtynda Talǵat Jaılaýovtan pas alǵan Fedor Polıshýk basymdyqty ulǵaıta tústi. Al 19-mınýtta Boıd dýbl jasap, esepti 3:0-ge jetkizdi. Alaıda, birinshi kezeńniń sońynda doneskilik Evgenıı Dadonov 1 shaıba salyp, esepti qysqartty.
Ekinshi kezeńniń sońynda qonaqtar taǵy bir shaıba soqty. Ony Talǵat Jaılaýovtan keremet pas alǵan Maksım Spırıdonov óz esebine jazdy. Sońǵy, sheshýshi jıyrma mınýttyqta «Barystyń» burynǵy shabýylshysy alań ıeleri úshin taǵy bir shaıba saldy. Sóıtip, esep 4:2-ge turaqtady.
Damır Qojamqul.