Kompanııa 1 mıllıon dana maska men 20 myń dana antıseptıkti tegin taratpaq. Mundaı qamqorlyqtyń sharapaty Aqsý kenti men Bestóbe jáne Jolymbet aýyldaryn da qamtymaq.
Búginde kompanııada 4 myńnan asa jumysshy eńbek etedi. Olar úshin barlyq jaǵdaı jasalǵan. Tótenshe jaǵdaı kezinde de, qazirde de kásiporynda qaýipsizdik sharalary tolyq saqtalýda.
– Búginde fılıalymyzda koronavırýs ınfeksııasynyń aldyn alý boıynsha barlyq sharalar qolǵa alyndy. Barlyq jumysshylar men qyzmetkerleriiz jeke qorǵanys quraldarymen qamtamasyz etilgen. Ǵımaratqa kirer kezde antıseptıkter qoıyldy. Kúndelikti ylǵaldy tazartý jumystary júrgiziledi. Dene qyzýyn ólsheıtin termometrler de satyp alyndy. Aýysymdaǵy árbir jumysshy mindetine kirispes buryn, medısınalyq tekserýden ótedi,–deıdi «Aqsý ken orny» fılıalynyń dırektory Ádil Ordabaev.
Maskalar men antıseptıkterdi tegin taratý aksııasy mamyrdyń 18-ine deıin jalǵasady. Bul koronavırýstyń aldyn alý maqsatyndaǵy qolǵa alynǵan shara. Al, jyl sońyna deıin basqa da qaıyrymdylyq aksııalar ótkizý josparlanyp otyr.
Aqmola oblysy