Memlekettik bas sanıtarlyq dáriger Aıjan Esmaǵambetova búginde Qazaqstanda indettiń ósý qarqyny 3.2 paıyzdy quraıtynyn aıtty.
«Búginde álem boıynsha aýyrǵandardyń sany ósip otyr. Qazir olardyń sany 5 mln-ǵa jýyqtady, onyń ishinen 324 myń adam qaıtys boldy. Qazaqstanda 6 969 jaǵdaı tirkeldi. Kúndelikti emdelip shyqqan adamdardyń sany artyp jatyr. Barlyǵy 3649 adam jazylyp shyqty. Bul aýyrǵandardyń 50 paıyzyn quraıdy. Sońǵy táýlikte elde 218 jańa jaǵdaı tirkeldi. О́sý qarqyny 3.2 paıyzdy qurady. Onyń ishinde 25-i naýqas adammen baılanysta bolǵan, 28-i skrınıngten anyqtaldy, 21-i aýrýhanaǵa júgingen kezde jáne 17-si jedel járdem arqyly ákelingen. Sońǵy apta boıynsha, koronavırýstyq ınfeksııa taralýynyń ósý kórsetkishi 2-5 paıyz aralyǵynda boldy, al sońǵy táýlikte 3.2 paıyzdy qurap otyr. Jalpy sońǵy aptada aýyrǵandar sany 15 paıyzǵa artty» dedi ol.