Nur-Sultan qalasynyń ákimi Altaı Kólginov áleýmettik kómek týraly aıtyp berdi.
«О́zderińizge belgili Tótenshe jaǵdaı kezinde kóptegen jumys oryndary toqtady. Iаǵnı, bizdiń turǵyndar ýaqytsha jumyssyz qaldy. «Jumyla kótergen júk jeńil» demekshi qoǵam bolyp osy synnan ótip kelemiz. Prezıdenttiń tapsyrmasyna sáıkes ýaqytsha jumyssyz qalǵan azamattarǵa eń tómengi jalaqy mólsherinde qarajat berildi. 42500 teńge kólemindegi alǵashqy tólem 270 myń adamǵa berildi. Mamyr aıynda qosymsha 130 myńnan astam azamatqa berildi. Jalpy alǵanda 20 mlrd teńge osy maqsatqa bólindi», - dedi A. Kólginov.
Qala ákiminiń aıtýynsha, az qamtylǵan otbasylarǵa tıistik áleýmettik kómek kórsetildi.
«43 myń az qamtylǵan otbasy 50 myń teńgeden kómek aldy. Oǵan 2 mlrd 100 mln teńgeden astam qarajat jumsaldy. Bul – bıýdjetten tys qarajat. Sonymen qatar, 34 myń otbasyǵa azyq-túlik kómegi berildi. Memlekettik áleýmettik kómek 4,5 myń az qamtylǵan otbasynyń balalaryna berildi. Ataýly áleýmettik kómekti 3,5 myń otbasy aldy», - dedi elorda ákimi.