Qasym-Jomart Toqaev doktoranttardyń stıpendııasyn 150 myń teńgege deıin kóbeıtý qajet ekenin Ulttyq qoǵamdyq senim keńesiniń onlaın formattaǵy 3-otyrysynda málimdedi.
«Jetekshi ǵylymı ortalyqtarymyzǵa doktorantýradan keıingi izdenis úshin arnaýly memlekettik tapsyrys berý qajet. Sondaı-aq doktorantýraǵa bólinetin granttardyń qunyn arttyrý kerek. Doktoranttardyń kóbi otbasyly azamattar. Olar ǵylymmen aınalysqan kezde negizinen stependııamen kún kóredi, jumys isteýge múmkindigi bolmaıdy. Doktoranttardyń stıpendııasyn 150 myń teńgege deıin kóbeıtý qajet. Sonymen qatar, Elbasynyń jas ǵalymdar úshin jyl saıyn grant bólý jónindegi bastamasyn jalǵastyrǵan jón. Ony aldaǵy úsh jylǵa arnalǵan jalpy quny 3 mlrd teńge bolady»,- dedi Memleket basshysy.