Aǵymdaǵy jylǵy 28 mamyrda Ishki ister mınıstrliginde Nur-Sultan jáne Qaraǵandy oblysy ákimdigindegi EQYU baǵdarlamalary keńsesiniń qoldaýymen Qaraǵandy qalasynda qoǵamdyq qaýipsizdikti qamtamasyz etýde servıstik tásildi engizý boıynsha «pılottyq» jobany iske asyratyn vedomstvoaralyq jumys tobymen kezekti onlaın-kezdesý ótti, - dep habarlady IIM baspasóz qyzmeti.
Atalǵan is-sharaǵa Ishki ister mınıstriniń keńesshisi Berik Bilálov, IIM Kadr saıasaty departamentiniń bastyǵy Aıdar Saıtbekov, Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev, Nur-Sultandaǵy EQYU baǵdarlamalar keńsesiniń konsýltanty Elmıra Hısamýtdınova, sondaı-aq osy jobany júzege asyrýǵa kómek kórsetetin volonterler qatysty.
Vedomstvoaralyq toptyń menedjeri Meıram Valeev eriktilerdiń tikeleı qatysýymen ótkizilgen jumystyń nátıjelerin tanystyrdy. Bul – «pılottyq» aýmaqta halyqqa saýalnama júrgizý jáne kıbervolonterlerdiń zańǵa qarsy Internet-kontentti anyqtaý baǵytyndaǵy atqarǵan jumystary bolatyn.
Mınıstrdiń keńesshisi Berik Bilálov óz kezeginde polısııany jańǵyrtý, ishki ister organdaryna sandyq tehnologııalardy odan ári engizý, azamattardyń quqyqtary men múddelerin qorǵaýǵa baǵyttalǵan qazirgi zamanǵy polıseıdiń ımıdjin qurý boıynsha júrgizilip jatqan is-sharalar týraly aıtyp ótti, sondaı-aq osy baǵyttaǵy volonterlik qozǵalyspen ózara is-qımyldyń mańyzdylyǵyn atap ótti.
Sondaı-aq, keńesshi «ishki ister mınıstri Erlan Turǵymbaev halyqtyń polısııaǵa senimin arttyrý maqsatynda halyqpen jumystyń jańa formattarynyń mańyzdylyǵyna, qoǵammen ózara is-qımyldy jaqsartýǵa erekshe nazar aýdarady. Mınıstrdiń turaqty baqylaýyndaǵy osyndaı sharalardyń biri – ýchaskelik polısııa ınspektorlarynyń, IIO aýmaqtyq bólimsheleri basshylarynyń eseptik kezdesýleri».
Kezdesý barysynda jurtshylyq jol qaýipsizdigi men quqyq buzýshylyqtyń aldyn alý baǵytyndaǵy jumystarǵa kómek kórsetýge daıyn ekendikterin bildirdi.
Kezdesý sońynda A. Saıtbekov eriktilerge shetin máselelerge beıjaı qaramaı, bizdiń qoǵamnyń ál-aýqatyn arttyrýǵa óz úlesin qosqandary úshin alǵys aıtyp, Mınıstrdiń osy yntymaqtastyqty jalǵastyrýǵa daıyn ekenin jetkizdi.