Nur-Sultanda ótkizý-baqylaý beketteri 1 maýsymǵa qaraǵan túni alynady. Táýlik boıy qala aýmaǵynda ornalasqan blok beketterde polısııa qyzmetkerleri, Qarýly Kúshterdiń áskerı qyzmetshileri, Ulttyq gvardııanyń ókilderi kezekshilik etti.
Sonymen birge blokbeketterde áskerge shaqyrylǵandar da kezekshilik etti. Qalaǵa kirip-shyǵýǵa tyıym salý Covid-19 indetiniń taralýyn azaıtýǵa múmkindik berdi.
Blokpostarǵa kirý jáne shyǵý úderisi tolyǵymen avtomattandyrylǵan. Polısııa qyzmetkerleriniń planshetterine engizilgen elektrondyq baza tártipbuzýshylyqty anyqtaýǵa kómektesti.
Mysaly, birqatar kásiporyndar qala boıynsha júrip-turý úshin anyqtamany qoldan jasaýǵa tyrysty. Azyq-túlik júkteri úshin "jasyl dáliz" uıymdastyryldy, ol arqyly qalanyń tynys-tirshiligin qamtamasyz etetin qyzmetkerler de óte aldy. Blokpostardaǵy jaǵdaıdy drondarmen baqylaý múmkin boldy.
О́tkizý-baqylaý beketterin alý - qalypty ómir súrý daǵdysyna oralamyz degendi bildirmeıdi. Qalada medısınalyq maska kıip júrý qajet. Turǵyndar sanıtarlyq normalardy qatań saqtaýy kerek. Maska kıip, ara qashyqtyqty saqtap, qoldy antıseptıkpen óńdegen jón.