Kóktemgi balyq aýlaý maýsymynda balyqshylar 6 492 tonna balyq aýlap, bólingen lımıttiń 87 prosentin ıgerip otyr.
Oblystyq balyq sharýashylyǵy basqarmasynyń málimetine súıensek, bıyl Jaıyq-Kaspıı basseıninen kóktemgi balyq aýlaý maýsymyna 7 434 tonna kvota bólinipti. Soǵan sáıkes Kaspıı teńizinen – 3 190 tonna, Jaıyq ózeninen – 2 223 tonna, al Qıǵash ózeninen 2 021 tonna balyq aýlaý josparlandy. Balyqshylar aýlaǵan balyq byltyrǵy kórsetkishpen salystyrǵanda, 794 tonnaǵa ósip otyr. О́ıtkeni byltyr 5 698 tonna balyq aýlanǵan edi.
– Bıyl aýlanǵan balyqtyń 5000 tonnasy óńdelip, 4069 tonnasy Reseı Federasııasy, Ýkraına, Ázerbaıjan jáne Izraıl elderine eksporttaldy. Qazir Atyraý oblysynyń aýmaǵynda túrli menshik nysanyndaǵy 18 óndiristik kásiporyn balyq aýlaý jáne qaıta óńdeýmen aınalysady. Onyń arasynda eki bekire balyǵyn ósirý zaýyty bar. Olar – «Jaıyq-Atyraý» bekire balyq ósirý zaýyty» RMQK, «Atyraý bekire balyq ósirý zaýyty» RMQK, - dedi oblystyq balyq sharýashylyǵy basqarmasynyń basshysy Artýr Sádibekuly.
Sondaı-aq bıyl memlekettik tapsyrysty oryndaý maqsatynda bekire balyǵyn ósirý zaýyttary úshin 269 balyq aýlandy. О́tken jyly aýlanǵan bekire tuqymdas balyq sany 241 bolatyn.