Saparhan Omarov jyl saıynǵy dástúrli esep berý kezdesýinde 2019 jyldyń qorytyndylary týraly aıtyp berdi.
«Aýyl sharýashylyǵynyń jalpy ónim kólemi ótken jylǵa qaraǵanda 0,9 paıyzǵa artyp, 5,2 trln teńgeni qurady. Bul rette, mal sharýashylyǵy ónimderin óndirý kólemi 4 paıyzǵa artsa, ósimdik sharýashylyǵy boıynsha, qolaısyz aýyl sharýashylyǵy jaǵdaılaryna baılanysty, 1,7 paıyzǵa tómendedi. 2019 jyly salaǵa 501,6 mlrd teńge ınvestısııa tartyldy, bul ótken jyldyń deńgeıinen 41 paıyzǵa joǵary. 2019 jyldyń aýyl sharýashylyǵyndaǵy eńbek ónimdiligi bir jumyskerge shaqqanda 2,4 mln teńgeni qurap, ótken jyldyń deńgeıinen 14 paıyzǵa kóp. 2019 jyly aýyspaly egisti saqtaı otyryp, rentabeldiligi joǵary daqyldar alańyn ulǵaıtý maqsatynda maıly jáne burshaqty daqyldar egisteri artty, mysaly zyǵyr alańy 18,2 paıyzǵa, soıa alańy 10,7 paıyzǵa, kókónis-baqsha daqyldary alańy 4,7 paıyzǵa ulǵaıtyldy. Júrgizilgen nátıjelerdiń arqasynda bıdaı alańdary monodaqyl retinde 11,3 mln gektarǵa qysqartyldy», - dedi ol.