Koronavırýstyń taralýyna jol bermeý jónindegi vedomstvoaralyq komıssııa Pavlodar oblysynda taǵy 5 adamnyń vırýs juqtyrǵanyn habarlady.
Pavlodar oblysynda koronavırýs ınfeksııasyn juqtyrǵan 5 adam tirkeldi. Onyń tórteýi – Pavlodar qalasynda, bireýi – Pavlodar aýdanynyń Chernoıarka aýylynda anyqtaldy. Olar — 1959, 1962, 1976, 1991 jyldary týǵan áıel adamdar jáne 1996 jylǵy er adam. Tórt pasıent Pavlodar qalasynyń «№1 emhanasyna» ózderin nashar sezingenine baılanysty – dene qyzýynyń kóterilýi, álsizdik, jyldam sharshaý, jótel belgilerimen shaǵynǵan. Olarǵa aldyn ala JRVI dıagnozy qoıyldy. Er adam dárigerlik ambýlatorııaǵa júgingen, oǵan tekserý kezinde JRVI, ótkir traheıt dıagnozdary qoıylyp, em taǵaıyndalǵan. Barlyq jaǵdaıda PTR qorytyndysy olardyń vırýsty juqtyrǵanyn kórsetti.
Pasıentter OBA juqpaly aýrýlar stasıonaryna jatqyzyldy. Olardyń turǵylyqty jerleri jáne jumys oryndary boıynsha baılanysta bolýy múmkin adamdar toby anyqtaldy.
USO fılıalynyń mamandary páterlerde, kireberisterde, jumys oryndarynda, stasıonarda dezınfeksııa júrgizdi. О́tken táýliktegi jaǵdaı boıynsha Pavlodar oblysynda koronavırýs ınfeksııasyn juqtyrǵan jalpy 229 adam tirkelgen, olardyń ishinde 160-y jazylyp shyqqan.