Saıası qýǵyn-súrgin qurbandaryn eske alýǵa baılanysty kúnine oraı Abaı atyndaǵy QazUPÝ-da Fılologııa jáne kóptildi bilim berý ınstıtýty shetel tilderi kafedrasynyń aǵa oqytýshysy Sh.Ý. Sultanqulovanyń uıymdastyrýymen «О́tkendi bilmeı, bolashaqty boljaý múmkin emes» taqyrybynda tárbıelik is-shara ótti.
Stýdenttermen suhbatqa kafedra oqytýshylarymen birge Ál-Farabı atyndaǵy QazUÝ Tarıh, arheologııa jáne etnologııa fakýlteti Qazaqstan tarıhy kafedrasynyń dosenti, tarıh ǵylymdarynyń kandıdaty Uljalǵas Joldybaeva, ýnıversıtetimizdiń Fılologııa jáne kóptildi bilim berý ınstıtýty dırektordyń ǵylymı ister jónindegi orynbasary Almas Naımanbaev, tárbıe jumysy jónindegi orynbasary Erlan Qasenov jáne «6M011900- Shetel tili: eki shetel tili» mamandyǵynyń 1 kýrs stýdentteri qatysty.
Tárbıelik is-shara barysynda stýdentter tarıh ǵylymdarynyń kandıdaty Ý.M. Djoldybaevanyń Qazaqstanda saıası qýǵyn-súrgin 1928 jyldyń ortasynda Alash zııalylaryn tutqyndaýdan bastalǵany týraly bergen tyń málimetterimen tanysa otyryp, sońǵy jyldarda jaryq kórgen Zulmat fılminen úzindiler kórip, óz oılaryn ortaǵa saldy.
Is-shara sońynda Ý.M.Djoldybaeva stýdentterge jańa urpaqqa tarıhtyń qaıǵyly betteri týraly estelikti saqtaýdyń mańyzdylyǵyn atap ótti. Tárbıelik is-shara 104-top stýdenti Ádil Jansaıanyń «Zulmat» óleńimen aıaqtaldy.
Almaty