Koronavırýstyń taralýyna jol bermeý jónindegi vedomstvoaralyq komıssııa Pavlodar oblysynda taǵy 11 adamnyń koronavırýs juqtyrǵanyn habarlady.
COVID-19 vırýsy 1959, 1971, 1988, 1992 jyldary týǵan áıel adamdardan jáne 1957, 1960, 1964, 1975, 1983, 1986, 1995 jyldary týǵan er adamdarda anyqtaldy. Olardyń tórteýi — Ekibastuz qalasynyń, altaýy Pavlodardyń, bireýi Pavlodar aýdanynyń Novo-Iаmyshevo aýylynyń turǵyny.
Atalǵan naýqastar dene qyzýynyń kóterilýi, bas aýrýy, jótel belgilerimen medısınalyq kómekke júgingen, ekeýi buǵan deıin koronavırýspen aýyryp qalǵan adammen baılanysta bolǵan. 63 jastaǵy er adam júrektiń ıshemııalyq aýrýymen, 2 dárejedegi qant dıabetimen esepte tur. Barlyq jaǵdaıda pasıentterden PTR-zertteý nátıjeleri COVID-19 vırýsynn anyqtady.
Pasıentter Pavlodar jáne Ekibastuz qalalarynyń juqpaly aýrýlar stasıonarlaryna jatqyzyldy. Hattamaǵa sáıkes em taǵaıyndaldy. Olarmen baılanysta bolýy múmkin adamdar toby anyqtaldy. USO fılıalynyń mamandary páterlerde, kireberisterde, jumys oryndarynda, stasıonarda dezınfeksııa jasady. О́ńirde epıdemııaǵa qarsy sharalar qolǵa alynǵan. О́tken táýliktegi jaǵdaı boıynsha Pavlodar oblysynda koronavırýs ınfeksııasymen jalpy 268 adam tirkelgen, olardyń 170-i jazylyp shyqqan.