Ulttyq ekonomıka mınıstri Rýslan Dálenov halyq aldynda esep berý kezdesýinde Qazaqstanda ınflıasııa mamyr aıynda 6,7 paıyzǵa deıin óskenin habarlady.
«Jalpy álemdik ekonomıkada osy jyldyń basynan beri karantındik sharalar aıasynda iskerlik belsendiliktiń tómendeýi baıqalady. Sondaı-aq negizgi bırjalyq taýarlarǵa konıýnktýranyń tómendeýi boldy», - dedi Rýslan Dálenov.
Onyń aıtýynsha, 2020 jyldyń sońǵy 4 aıynyń qorytyndysy boıynsha eldiń áleýmettik-ekonomıkalyq damýynyń IJО́ 0,2 paıyzǵa tómendedi.
«Taýar óndirisi 5,8 paıyzǵa ósti. Sonymen qatar qyzmetter óndirisi 4 paıyzǵa qysqardy. Nátıjesinde IJО́ 0,2 paıyzǵa tómendedi. Mamyr aıynda jyldyq ınflıasııa 6,7 paıyzǵa jetti. Negizgi kapıtalǵa salynǵan ınvestısııalardyń ósýi naqty mánde 0,9 paıyzdy qurady. Bul ótken jyldyń kórsetkishinen tómen. Degenmen, oń ósim saqtalady», - dedi mınıstr.